Компанијата Ubisoft се здружува со Lucasfilm Games студиото, а плодот на оваа соработка ќе биде нова Star Wars видео игра.

Како што стојат работите, оваа соработка укажува на тоа дека Electronic Arts повеќе не ја поседува лиценцата за овој „универзум“, па сега популарниот Ubisoft ќе ги преземе работите во свои раце.

Ubisoft Massive, тимот кој работеше на видео играта The Division ќе работи и на новата Star Wars видео игра, а целиот проект ќе го надгледува Џулијан Герајти кој беше креативен директор на проектите The Division 2 и The Crew.

Како што пренесува The Wired, Ubisoft најверојатно ќе го користи SnowDrop енџинот кој беше користен за The Division 2.

Првиот човек на Ubisoft, Ивес Гилемот најави дека новата игра ќе биде „оригинална Star Wars авантура која ќе биде поинаква во однос на тоа што сме го виделе досега“.

Инаку, компанијата Electronic Arts успеа да ја добие лиценцата за Star Wars видео игрите во 2013-та година, пред компанијата Disney да го купи Lucasfilm. Наводно Electronic Arts ќе продолжи да работи на Star Wars, но Lucasfilms ќе ја надгледува продукцијата на видео игрите.

Microsoft конечно работи на видео игри кои ќе привлечат поголем број на корисници кон Xbox конзолите, посебно кон Series генерацијата која стапи на сцена од ноември минатата година.

Понудата на ексклузивни видео игри беше најавувана на претходни настани и презентации, а новата листа која компанијата од Редмонд ја објави потврдува дека Xbox корисници ќе имаат богата гејмерска 2021-ва година, а и PC играчите заедно со нив.

Речиси 30 видео игри би требало да видиме во следните неколку месеци, а тука спаѓаа од мали остварувања како Twelve Minutes, па се до популарни наслови како Halo Infinite, Scorn и слично.

На листата подолу се наоѓаат видео игрите кои ќе излезат ексклузивно за Series X и Series S конзолите, како и за Xbox One, а од Microsoft напоменаа дека листата не е целосна и има уште изненадувања за фановите.

Adios, The Artful Escape, The Ascent, The Big Con, CrossfireX – 2021, Dead Static Drive, Echo Generation, ExoMecha, Exo One, The Gunk, Halo Infinite, The Last Stop, Lake, Little Witch in the Woods, The Medium, Microsoft Flight Simulator, Psychonauts 2, RPG Time, Sable, Scorn, She Dreams Elsewhere, Shredders, Song of Iron, Tunic, Twelve Minutes, Unexplored 2: The Wayfarer’s Legacy, Warhammer 40K: Darktide, Way to the Woods, The Wild at Heart.

Компанијата Alphabed Inc во чија што сопственост е Google соопшти денеска дека ќе го блокира пребарувачот во Австралија доколку Владата го усвои новиот закон кој би ги присилил Google и Facebook на медиумските компании да им го платат правото на користење на нивните содржини.

Заканата на Google е ескалација на битката со медиумските конгломерати како News Corp која будно се следи ширум светот. Интернет гигантот предупреди дека нивните 19 милиони корисници во Австралија ќе се соочат со намалена можност за пребарување на Google и користење на YouTube доколку се усвои новиот закон.

Австралија е на пат да усвои закон кој би ги натерал технолошките гиганти да преговараат за плаќање на локалните издавачи и емитери за содржината која е вклучена во резултатите на пребарувањето. Доколку договорот не биде постигнат, тогаш цената ќе ја одреди арбитар кој би бил именуван од Владата.

„Доколку оваа верзија стане закон, ние не би имале друг избор од тоа да ја прекинеме достапноста на Google пребарувачот во Австралија“, изјави Мел Силва, директорка на Google за Австралија и Нов Зеланд.

На ваквите коментари од Google остро реагираше австралискиот премиер Скот Морисон кој порача дека земјата ги носи правилата за „работите кои што можат да се прават во Австралија“.

„Луѓето кои што сакаат да работат со тоа во Австралија се добредојдени. Но, ние не реагираме на закани“, изјави Морисон.