Македонската Радио-Телевизија, како носител на лиценцата за учество на „Евровизија“ одлучи наш претставник на овој престижен музички натпревар и годинава да биде Васил Гарванлиев.

„Огромно благодарам до МРТВ која и понатаму верува во мене и ми ја дава одговорноста и можноста да бидам нашиот, македонски преставник годинава на „Евровизија“ во Ротердам. Верувам, ве сакам, ќе пеам за сите вас ама и вие да запеете со мене! Со душа чекам да ги споделам со вас нашите планови како македонски тим за „Евровизија 202“, напиша Васил на својот профил на Фејсбук.

„Во 2019-та застанав гордо зад нашата Тамара, како дел од македонскиот евровизиски тим, а изминатата 2020-та ви ја посветив на сите вас, како официјален македонски преставник, но поради пандемијата на коронавирусот „Евровизија“ лани не се одржа. Еве сега, во 2021-та ја користам мојата животна приказна, за да ви го подарам срцето на дланка преку мојот глас. И им порачувам на сите сонувачи: верувај, сонувај и не се предавај! Вистината, трудот, енергијата, и чистата љубов секогаш победуваат. Сите имаме своја Приказна и Патека која е наша Судбина, и време е ова темно и тешко секојдневие да го исполниме со светлина, љубов и чиста енергија“, вели Васил Гарванлиев.

МРТ пристапува кон избор на нова песна за Васил Гарванлиев и ги повикува сите заинтересирани страни да ги понудат своите музички проекти на следната е-маил адреса: eurosong.macedonia@gmail.com, најдоцна до 27-ти јануари 2021 година.

Јавниот повик е достапен на веб страницата на МРТ, преку следниот ЛИНК.

Пејачката Адел ја одбележа 10-годишнината од својот наградуван албум „21“, но сè уште нема информации кога би можел да биде објавен новиот албум.

Британската кантавторка го објави својот втор студиски албум на 24 јануари 2011 година, создавајќи ги хитовите како „Rolling In The Deep“, „Set Fire To The Rain“, „Rumor Has It“ и „Someone Like You“.

Добитничка е на британската награда за албум на годината како и Греми награда за најдобар албум во 2012 година.

Насловите на албумите на Адел се нејзините години во периодот на продукција. Дебитантскиот албум е наречен „19“ и е објавен во 2008 година, а последниот албум Адел го издаде во 2015 година, за кој повторно освои Греми награда.

Нејзините обожаватели повеќе од 5 години го чекаат четвртиот албум, а иако ѕвездата потврдила дека истиот е во подготовки, сè уште нема детали за тоа кога би можел да биде објавен.

Одбележувајќи ја годишнината од „21“, пејачката напишала на Инстаграм:

„Среќна 10-годишнина, пријателке. Лудо е колку малку се сеќавам како беше и како се чувствував пред 10 години“.

View this post on Instagram

A post shared by Adele (@adele)